Breaking




आंबेगाव तालुक्यातील पश्चिम आदिवासी भागात वाढतेय वाचन चळवळ ; गोहे खुर्द गावात ग्रंथालय सुरू



आंबेगाव (दि.२४) :
गोहे खुर्द येथील बांबळेवाडी येथे स्थानिक तरुणांच्या व ग्रामस्थांच्या पुढाकारातुन ग्रंथालय सुरू करण्यात आले.


साहित्यदीप वाचन चळवळीच्या वतीने आंबेगाव तालुक्यातील पश्चिम आदिवासी भागात सुरू झालेल्या प्रत्येकी ग्रंथालयाला १२५ पुस्तके आणि नवीन पुस्तकांचे कपाटे उपलब्ध करून देण्यात आले आहेत. आपटी, घोडेवाडी (बोरघर), फुलवडे, थुगाव, न्हावेड, अवसरी खुर्द अशा सहा गावात ग्रंथालये, डॉ. आंबेडकर जयंतीनिमित्त सुरू झाली आहेत. त्याचाच एक भाग म्हणून गोहे खुर्द येथील बांबळेवाडी येथे देखील ग्रंथालय सुरू करण्यात आले आहे.


ग्रामीण भागात वाचन चळवळ रुजावी, गावातील युवक-युवती यांच्यामध्ये वाचनाची आवड निर्माण व्हावी, हा उद्देश ग्रंथालये सुरु करण्यामागे, साहित्यदिप वाचन चळवळ यांनी व्यक्त केला आहे. साहित्यदीप वाचन चळवळीचे पदाधिकारी जीएसटी उपायुक्त महेश जगताप, सामाजिक कार्यकर्ते रवींद्र वायाळ, उद्योजक विजय केंगले आणि डॉ. अमोल वाघमारे यांनी यापुढे ही गाव तेथे ग्रंथालय ही मोहीम सुरू ठेवण्याचा निर्धार केलेला आहे. बालसाहित्य, कथा कादंबऱ्या, स्पर्धा परीक्षेची पुस्तके, आत्मचरित्र अशा स्वरूपाची पुस्तके ग्रंथालये यांना दिली आहेत.  


गोहे खुर्द येथील बांबळेवाडी येथे दि.२४ जून रोजी कोरोनाचे नियम पाळत ग्रंथालयाचा औपचारिक उदघाटन समारंभ पार पडला.सामाजिक कार्यकर्ते राजू घोडे यांच्या हस्ते ग्रंथालयाचे उद्घाटन  करण्यात आले. यावेळी त्यांनी वाचन चळवळ वाढावी यासाठी उपस्थितांना मार्गदर्शन केले.गोहे खुर्द येथे ग्रंथालय सुरू करण्यासाठी एस.एफ.आय. चे माजी कार्यकर्ते रोहिदास गभाले व महेश गाडेकर यांनी विशेष प्रयत्न केले.


यावेळी शहीद राजगुरू ग्रंथालयाचे अशोक पेकारी ,अविनाश गवारी उपस्थित होते. या सोबतच नामदेव वरे ,साहेराव बाबंळे ,धोंडू वरे ,मारुती वरे ,गणेश वरे ,नितीन बांबळे ,जीवन बाबंळे ,समीर वरे,ओंकार वरे इत्यादी स्थानिक तरुण व ग्रामस्थ उपस्थित होते.

कोणत्याही टिप्पण्‍या नाहीत:

टिप्पणी पोस्ट करा