Breaking



चोरीचा बनाव उघड, फिर्यादीच निघाला चोर


कुंपनानेच शेत खाल्ले या म्हणीचा आला प्रत्यय


सुरगाणा / दौलत चौधरी : फिर्यादीच निघाला चोर या घटनेचा प्रत्यय सुरगाणा तालुक्यात घडलेल्या घटनेवरुन आला आहे.

या बाबत पोलिस सुत्रांनी दिलेल्या माहितीनुसार १३ जुलै रोजी हतगड किल्ला ते कनाशी रस्त्यावर गायदर घाटात फिर्यादी अभिजित भास्कर वाघ रा. नाशिक यांनी सुरगाणा पोलिस ठाण्यात तक्रार दाखल केली होती.

तक्रारीत म्हटले आहेत की, अज्ञात चोरट्यांनी माझ्यावर घाटात हल्ला करून एक लाख सत्याहतर  हजार रोख रक्कमे सह पाच हजार रुपये किंमतीचा मोबाईल हिसकावून घेत चोरट्यांनी चाकूने उजव्या हातावर वार केले होते. डोक्यावर वार करून हेल्मेटची तोंड फोड केली होती, अशी तक्रार भास्कर वाघ यांनी तक्रार दाखल केली होती.

सदर तक्रारदार हा अवंति या खाजगी कंपनीत  ता. दिंडोरी, वणी, कनाशी, अभोणा या भागात रक्कम गोळा करण्याचे काम करीत होता.

पोलिस ठाण्यात तक्रारी नंतर ग्रामीण पोलीस अधीक्षक सचिन पाटील, अपर पोलीस अधीक्षक शर्मिला वालावलकर, उपविभागीय पोलिस अधिकारी अमोल गायकवाड यांनी तात्काळ दखल घेत घटनास्थळी भेट देऊन पाहणी केली होती. या दरोड्याची उकल करणे पोलिसांपुढे मोठे आव्हान उभे ठाकले होते.

मात्र फिर्यादीची कसून तपासणी केली असता आपण स्वतःच दरोड्याचा बनाव केला असल्याची कबुली दिल्या नंतर पोलिस ठाण्यात त्याच्यावर फसवणूकीचा गुन्हा दाखल करण्यात आला आहे. 

त्यास दिंडोरी न्यायालयात हजर केले असता त्यास नाशिक येथील मध्यवर्ती कारागृहात रवानगी करण्यात आली आहे. फिर्यादी च चोर निघाल्याने कुंपनानेच शेत खाल्ले या म्हणीचा प्रत्यय आला आहे. 

या घटनेचा तपास पोलीस निरीक्षक दिवानसिंग वसावे यांच्या मार्गदर्शनाखाली सहायक पोलिस निरीक्षक निलेश बोडके. सागर नांद्रे, पोलिस हवालदार पराग गोतुरणे, संतोष गवळी हे पुढील तपास करीत आहेत.

कोणत्याही टिप्पण्‍या नाहीत:

टिप्पणी पोस्ट करा