नोएडा : उत्तर प्रदेशातील नोएडा परिसरात औद्योगिक कामगारांनी वेतनवाढ, साप्ताहिक सुट्टी आणि चांगल्या कामाच्या अटी यांसाठी आंदोलन सुरू केले आहे. या पार्श्वभूमीवर राज्य सरकारने एक उच्चस्तरीय समिती स्थापन केली असून कामगार आणि उद्योग प्रतिनिधींशी चर्चा सुरू आहे.
कामगारांची मुख्य मागणी म्हणजे सध्याचा ₹10,000 ते ₹15,000 दरमहा पगार वाढवून ₹18,000 ते ₹20,000 करण्यात यावा. वाढत्या महागाईमुळे सध्याचा पगार अपुरा असल्याचे त्यांनी सांगितले. याशिवाय, दर आठवड्याला एक सुट्टी, ओव्हरटाईमसाठी दुहेरी वेतन आणि कामाच्या ठिकाणी योग्य वागणूक यांचाही समावेश त्यांच्या मागण्यांमध्ये आहे.
काही कामगारांनी नोकरीची सुरक्षितता, कामगार कायद्यांची अंमलबजावणी आणि सुरक्षित कामाचे वातावरण याबाबतही चिंता व्यक्त केली. प्रशासनाने सांगितले की सर्व संबंधित पक्षांशी चर्चा करून लवकरच उपाययोजना सुचवण्यात येतील.
नोएडामध्ये सोमवारी वेतनवाढीच्या मागणीसाठी सुरू झालेला आंदोलन लवकरच गोंधळात बदलला. सुमारे ४०,००० पेक्षा जास्त कारखान्यातील कामगार आणि सुरक्षा यंत्रणांमध्ये तणाव निर्माण झाला. शहरातील मुख्य रस्त्यांवर वाहतूक कोंडी झाली, सुरक्षा वाढवण्यात आली आणि काही प्रवेशबिंदूंवर अस्वस्थतेचे वातावरण निर्माण झाले.
हरियाणा सरकारने किमान वेतन वाढवण्याच्या निर्णयामुळे सुरू झालेल्या या आंदोलनात शहरातील सुमारे ८० ठिकाणी निदर्शने झाली. नोएडाच्या फेज-२ आणि सेक्टर ६३ भागात पोलिसांशी झालेल्या चकमकीदरम्यान आंदोलकांनी वाहने आणि मालमत्तेला आग लावली तसेच दगडफेक केली, त्यामुळे परिस्थिती आणखी चिघळली.
दरम्यान, प्रशासनाने कामगारांना शांतता राखण्याचे आणि अफवांवर विश्वास न ठेवण्याचे आवाहन केले आहे. पुढील काही दिवसांत आणखी बैठका होणार असून वेतनवाढीसारख्या महत्त्वाच्या मुद्द्यांवर अंतिम निर्णय सरकार पातळीवर घेतला जाईल.