मोठी बातमी : उत्तरकाशीत हाहाकार! ढगफुटीनंतर महापुरात गाव गाडले; अनेक बेपत्ता

Team - Maha Janbhumi
Uttarkashi in chaos! Village buried in flash flood after cloudburst; Many missing

Uttarakhand Cloudburst News : उत्तराखंडमधील उत्तरकाशी जिल्ह्यात ५ ऑगस्ट २०२५ रोजी धरालीजवळील सुखी टॉप येथे ढगफुटीची घटना घडली. या ढगफुटीमुळे परिसरात अचानक पूरस्थिती निर्माण झाली, ज्यामुळे स्थानिक प्रशासन आणि आपत्ती व्यवस्थापन यंत्रणांना तातडीने कारवाई करावी लागली. या घटनेने स्थानिक रहिवाशांमध्ये भीतीचे वातावरण निर्माण झाले असून, अनेक कुटुंबे प्रभावित झाली आहेत. या नैसर्गिक संकटात चौघांचा मृत्यू झाला असून, ६०-७० जण चिखलात अडकल्याचे अधिकाऱ्यांनी सांगितले.

उत्तरकाशी प्रशासनाने दिलेल्या माहितीनुसार, सुखी टॉप परिसरात ढगफुटीमुळे मोठ्या प्रमाणात पाण्याचा लोंढा खाली आला. यामुळे धराली आणि आसपासच्या गावांमध्ये पूरस्थिती निर्माण झाली. रस्ते, पूल आणि घरांचे नुकसान झाल्याची प्राथमिक माहिती आहे. या महापुरात येथील घरे, वाहने, झाडे, हॉटेल, रेस्टॉरण्ट, तीन-चार मजली होम स्टे अगदी कस्पटाप्रमाणे वाहून गेली. स्थानिक प्रशासनाने तात्काळ बचावकार्य सुरू केले असून, प्रभावितांना सुरक्षित ठिकाणी हलवण्याचे प्रयत्न सुरू आहेत.

उत्तराखंडचे मुख्यमंत्री पुष्कर सिंग धामी यांनी देहरादून येथील आपत्ती नियंत्रण कक्षातून परिस्थितीचा आढावा घेतला. त्यांनी प्रशासनाला युद्धपातळीवर राहत आणि बचाव कार्य करण्याचे निर्देश दिले. याशिवाय, भारताच्या राष्ट्रपतींनी या घटनेबाबत शोक व्यक्त करत पीडित कुटुंबांप्रती संवेदना व्यक्त केल्या आणि बचाव कार्यात यश मिळावे अशी कामना केली.

उत्तरकाशी प्रशासनाने तातडीने आपत्ती व्यवस्थापन यंत्रणा कार्यान्वित केली आहे. राष्ट्रीय आपत्ती प्रतिसाद दल (NDRF), राज्य आपत्ती प्रतिसाद दल (SDRF) आणि स्थानिक पोलिस यांच्या समन्वयाने बचावकार्य सुरू आहे. प्रभावितांना अन्न, पाणी आणि निवारा पुरवण्यासाठी तात्पुरते निवारा केंद्र उभारण्यात आले आहेत. मुख्यमंत्री धामी यांनी प्रभावित भागात तात्काळ मदत पोहोचवण्यासाठी हेलिकॉप्टरचा वापर करण्याचेही निर्देश दिले आहेत.

Uttarkashi-in-chaos-Village-buried-in-flash-flood-after-cloudburst-Many-missing

थोडे नवीन जरा जुने