पिंपरी चिंचवड - पिंपरी चिंचवड शहरात सतत सुरू असलेल्या मुसळधार पावसामुळे चिखली येथील घरकुल प्रकल्पात तीन ते पाच फूट सांडपाणी शिरले आहे.
रविवारी रात्री सुरू झालेल्या तुफानी पावसाने स्पाईन रोडच्या सलग्न वसाहती पासून पावसाचे पाणी ( स्टॉर्म वॉटर) आणि सांडपाणी प्रकल्पातील पाणी घरकुल मध्ये शिरले. इमारतींच्या तळमजल्यावर पाणी शिरले विद्युत व्यवस्था बंद झाली. प्रत्येक इमारतीमध्ये सात मजले आहेत. सरासरी 150 पेक्षा जास्त घरकुले असल्याने येथे दाट लोकवस्ती आणि अल्प उत्पन्न गटातील नागरिक मोठ्या संख्येने राहतात.
आज सकाळी सर्व घरकुल रहिवाश्यांनी चेरी चौक, निगडी भोसरी रोड येथे संतप्त निदर्शने करून प्रशासनास तातडीने लक्षवेध केला आहे. या आंदोलनास मोठ्या संख्येने महिला उपस्थित होत्या.