मुंबईत पावसाच्या पहिल्या सरी कोसळताच, आरे जंगल पुन्हा एकदा निसर्गाच्या एका अद्भुत चमत्काराचे साक्षीदार बनले आहे — ते म्हणजे भारतीय मोठ्या बेडकांचा (Indian bullfrog) वार्षिक वीण हंगाम (mating ritual).
या विणीच्या हंगामात (Breeding season), मादी बेडकाला आकर्षित करण्यासाठी नर बेडूक आपल्या नेहमीच्या ऑलिव्ह-ग्रीन (हिरवट-करड्या) रंगावरून बदलून डकडकणारा पिवळा धमक रंग धारण करतात. मुसळधार पावसानंतर आरे मिल्क कॉलनीमध्ये दरवर्षी पावसाळ्यात दिसणारा हा मनमोहक निसर्ग चमत्कार पाहण्यासाठी आणि त्याचे दस्तऐवजीकरण करण्यासाठी वन्यजीवप्रेमींनी मोठी गर्दी केली होती.