सरकारी दूरसंचार कंपनी BSNL ने आपल्या कोट्यवधी युजर्ससाठी कमी खर्चात वर्षभर सिम चालू ठेवण्याची सोय उपलब्ध करून दिली आहे. कंपनीचा हा प्रीपेड रिचार्ज प्लॅन 365 दिवसांच्या वैधतेसह येतो. यात अनलिमिटेड कॉलिंग, फ्री नॅशनल रोमिंग यांसारखे फायदे मिळतात. बीएसएनएल सातत्याने आपल्या युजर्ससाठी स्वस्त प्लॅन्स बाजारात आणत आहे. अलीकडेच कंपनीने लाखो नवीन ग्राहकांना आपल्या नेटवर्कशी जोडले असून, यामुळे खाजगी कंपन्यांना टक्कर मिळत आहे.
365 दिवसांचा नवा प्लॅन
BSNL ने आपल्या अधिकृत X हँडलवरून 365 दिवसांच्या वैधतेच्या या प्लॅनची घोषणा केली आहे. BSNL चा हा रिचार्ज प्लॅन 2399 रुपयांमध्ये उपलब्ध आहे. यात मिळणाऱ्या फायद्यांमध्ये देशभरात अनलिमिटेड कॉलिंग, फ्री नॅशनल रोमिंगचा लाभ मिळतो. तसेच, दररोज 2GB हाय-स्पीड डेटा आणि 100 फ्री SMS यांचाही समावेश आहे. कंपनीचा हा प्रीपेड प्लॅन देशातील सर्व टेलिकॉम सर्कलमध्ये उपलब्ध आहे
BSNL आपल्या प्रत्येक प्लॅनसोबत मोफत BiTV चे ऍक्सेस देते. यात युजर्सना 350 पेक्षा जास्त लाइव्ह टीव्ही चॅनेल्स मोफत पाहता येतात. तसेच काही OTT अॅप्सचाही वापर करता येतो. याशिवाय, कंपनीने 72 दिवसांच्या वैधतेचा आणखी एक स्वस्त प्लॅन सादर केला आहे. हा प्रीपेड प्लॅन 485 रुपयांचा असून यात दररोज 2GB डेटा आणि 100 फ्री SMS मिळतात. तसेच देशभरात अनलिमिटेड कॉलिंग आणि फ्री नॅशनल रोमिंगची सोय देखील आहे.
BSNL ने अलीकडेच देशभरात एक लाख नवीन 4G टॉवर्स उभारले आहेत. कंपनी लवकरच आणखी 4G टॉवर्स बसवणार आहे. BSNL चे हे 4G टॉवर्स पूर्णतः 5G-रेडी असून स्वदेशी तंत्रज्ञानावर आधारित आहेत. शिवाय, कंपनी लवकरच 5G सेवा सुरू करणार आहे. पुढील वर्षाच्या सुरुवातीस कंपनी दिल्ली आणि मुंबईमध्ये 5G सेवा लॉन्च करण्याची तयारी करत आहे.