पिंपरी चिंचवड - तथागत बहुउद्देशीय सामाजिक संस्थेच्या वतीने विविध उपक्रमांनी भारतीय संविधान दिन साजरा करण्यात आला. यानिमित्त जनता शिक्षण संस्थेच्या नवी सांगवीतील मराठी प्राथमिक शाळेतील विद्यार्थ्यांनी भारतीय संविधानाच्या उद्देशिकेचे सामुहिक वाचन केले. संस्थेतर्फे विद्यार्थ्यांना नवीन कपडे व पेन वाटप करण्यात आले.
कार्यक्रमाचे प्रमुख पाहुणे राष्ट्रसंत तुकडोजी महाराज नागपूर विद्यापीठाचे माजी कुलगुरू डॉ. एस. एन. पठाण यांच्या हस्ते संविधान उद्देशिका प्रतिमा व डॉ. बाबासाहेब आंबेडकर यांच्या प्रतिमेस अभिवादन करून कार्यक्रमाची सुरुवात करण्यात आली. कार्यक्रमाच्या अध्यक्षस्थानी जालिंदर सरवदे होते. यावेळी मराठवाडा जनविकास संघाचे संस्थापक अध्यक्ष वृक्षमित्र अरुण पवार, सांगवी विकास मंचचे संस्थापक अध्यक्ष महेश भागवत, मुख्याध्यापिका कल्पना सोनवणे, संयम निकाळजे, सुखदेव चोरमले, रवींद्र पारघे, मुरलीधर दळवी, कृष्णा शिंदे, सुरेश सकट, गौतम डोळस आदी उपस्थित होते.
डॉ. एस एन पठाण म्हणाले, की भारतीय राज्यघटना ही राष्ट्रीय एकात्मतेने ओतप्रोत भरलेली आहे. युवा विद्यार्थ्यांनी ही तत्वे अंगीकारल्यास आपला देश महासत्ता होईल. त्याचे श्रेय घटनाकार डॉ. बाबासाहेब आंबेडकर यांना जाते.
प्रास्ताविक नारायण भागवत यांनी, संतोष नवले यांनी सूत्रसंचालन, तर मगन सावंत यांनी आभार मानले. कार्यक्रम यशस्वी होण्यासाठी दिलीप शेलार, गुलाब गायकवाड, सुरेंद्र जाधव, चंद्रकांत कांबळे, भाऊ शिंदे, अशोक बोरसे यांनी परिश्रम घेतले.