कष्टकरांचे नेते डॉ. बाबा कांबळे यांचा पिंपरी-चिंचवड मनपा प्रशासनाला इशारा..
'सुशोभीकरणाच्या नावाखाली मोठा भ्रष्टाचार; भ्रष्ट अधिकाऱ्यांवर तात्काळ कारवाई करण्याचे निवेदनाद्वारे मागणी
पिंपरी-चिंचवड महानगरपालिकेने मोरवाडी चौक (अहिल्यादेवी पुतळ्यासमोर) येथे रस्त्याच्या मध्यभागी बसविलेल्या अनावश्यक व अशास्त्रीय काँक्रीट डिव्हायडरमुळे शहरवासीयांना होणारा त्रास, वाढती वाहतूक कोंडी आणि अपघातांचे प्रमाण या पार्श्वभूमीवर महाराष्ट्र रिक्षा पंचायत आणि ऑटो टॅक्सी ट्रान्सपोर्ट फेडरेशन वतीने मनपा प्रशासनावर अत्यंत गंभीर भ्रष्टाचाराचे आरोप केले आहेत. जर हा डिव्हायडर तात्काळ हटवला गेला नाही आणि मनमानी कारभार करणाऱ्या अधिकाऱ्यांवर कारवाई झाली नाही,
तर सोमवार, १० नोव्हेंबर २०२५ रोजी मनपा मुख्यालयासमोर तीव्र निदर्शने करण्याचा सणसणीत इशारा महाराष्ट्र रिक्षा पंचायत व ऑटो टॅक्सी ट्रान्सपोर्ट फेडरेशन चे राष्ट्रीय अध्यक्ष कष्टकऱ्यांचे नेते डॉ. बाबा कांबळे यांनी दिला आहे.
# मोरवाडी चौकातील 'डीव्हायडर' म्हणजे अपघातांना निमंत्रण
महाराष्ट्र रिक्षा पंचायतने प्रसिद्धीस दिलेल्या पत्रकात स्पष्ट केले आहे की, मनपाने कोणताही शास्त्रशुद्ध अभ्यास न करता आणि वाहतूकधारक संघटनांशी चर्चा न करता हा डिव्हायडर बसवला आहे. या चुकीच्या रचनेमुळे शहरातील अत्यंत महत्त्वाचा असलेला मोरवाडी चौक येथील रस्ता अकाराणे अरुंद झाला आहे.
या मुळे या ठिकाणी सतत वाहतूक कोंडी: सकाळी आणि सायंकाळी या चौकात वाहनांच्या लांबच लांब रांगा लागत आहेत, ज्यामुळे नागरिकांचा अमूल्य वेळ वाया जात आहे.
# अपघात वाढले: रस्ता अरुंद झाल्यामुळे आणि डिव्हायडरच्या चुकीच्या उंचीमुळे अपघात होण्याचे प्रमाण वाढले आहे.
# रिक्षाचालकांना त्रास: रिक्षा व टॅक्सी चालकांना या अरुंद रस्त्यामुळे प्रवाशांना घेणे-सोडणे, तसेच वळणे घेणे अत्यंत धोकादायक झाले आहे.
डॉ. बाबा कांबळे यांचा निर्णायक इशारा व भूमिका
कष्टकरी जनतेचे नेते महाराष्ट्र रिक्षा पंचायतचे राष्ट्रीय अध्यक्ष डॉ. बाबा कांबळे यांनी प्रशासनाच्या मनमानी कारभारावर जोरदार टीका केली आहे.
> डॉ. बाबा कांबळे म्हणाले
> “हा डिव्हायडर म्हणजे प्रशासनातील काही भ्रष्ट अधिकाऱ्यांनी केलेला आर्थिक गैरव्यवहार आहे. 'सुशोभीकरण' हा केवळ जनतेच्या डोळ्यात धूळ फेकण्याचा प्रयत्न आहे. चुकीच्या पद्धतीने डिव्हायडर टाकणाऱ्या अधिकाऱ्यांवर तात्काळ फौजदारी तसेच प्रशासकीय कारवाई झालीच पाहिजे. शहर विकासाचे प्रकल्प हे शास्त्रशुद्ध अभ्यास, तज्ज्ञ समिती आणि सर्वात महत्त्वाचे म्हणजे जनसहभागाशिवाय राबविले जाऊ नयेत. जर प्रशासनाने आमच्या मागण्यांकडे दुर्लक्ष केले, तर केवळ मोरवाडी चौकासाठीच नव्हे, तर शहराच्या शास्त्रशुद्ध विकासासाठी आम्ही पिंपरी-चिंचवड मनपा मुख्यालयासमोर अभूतपूर्व आणि तीव्र आंदोलन छेडू. या सर्व प्रकाराला मनपा प्रशासन पूर्णपणे जबाबदार असेल.”
# संघटनेच्या प्रमुख मागण्या.महाराष्ट्र रिक्षा पंचायत आणि ऑटो टॅक्सी ट्रान्सपोर्ट फेडरेशनने मनपा आयुक्तांकडे खालील सात निर्णायक मागण्या त्वरित पूर्ण करण्याची मागणी केली आहे:
# उच्चस्तरीय चौकशी: डिव्हायडर बसविण्याच्या संपूर्ण प्रक्रियेची, संबंधित ठेकेदाराची आणि जबाबदार अधिकाऱ्यांची तात्काळ स्वतंत्र व उच्चस्तरीय चौकशी करावी.
# तात्काळ डिव्हायडर हटवा: मोरवाडी चौकातील वाहतूक सुरळीत होण्यासाठी हा अनावश्यक डिव्हायडर तात्काळ हटविण्यात यावा.
# दोषींवर कठोर कारवाई: शास्त्रशुद्ध पद्धतीचा अवलंब न करता मनमानी निर्णय घेणाऱ्या दोषी अधिकाऱ्यांवर कठोर प्रशासकीय व कायदेशीर कारवाई करावी.
# तज्ज्ञ समिती: डिव्हायडरमुळे होणाऱ्या दुष्परिणामांचा अभ्यास करण्यासाठी वाहतूक तज्ज्ञांची स्वतंत्र समिती स्थापन करावी.
#: जनसहभाग बंधनकारक: भविष्यातील सर्व रस्ते/वाहतूक प्रकल्पांमध्ये वाहतूक संघटना, रिक्षा-टॅक्सी चालक व स्थानिक जनतेचा सल्ला घेणे कायद्याने बंधनकारक करावे.
# अवैज्ञानिक प्रकल्प रद्द: जनसहभागाशिवाय आणि तांत्रिक अभ्यासाशिवाय केलेले सर्व मनमानी प्रकल्प तात्काळ रद्द करावेत.
# संयुक्त नियोजन समिती: शहराचे रस्ते नियोजन करण्यासाठी वाहतूक तज्ज्ञ, अनुभवी अभियंता व नागरिक प्रतिनिधी यांची संयुक्त समिती नेमण्यात यावी. अशा मागण्या करण्यात आल्या आहेत,
आंदोलनाची पूर्वसूचना
वरील मागण्यांची तात्काळ दखल न घेतल्यास, कष्टकऱ्यांचे नेते डॉ. बाबा कांबळे यांच्या नेतृत्वाखाली सोमवार दिनांक १० नोव्हेंबर २०२५ रोजी सकाळी ११:३० वाजता पिंपरी चिंचवड महानगरपालिका मुख्यालयासमोर तीव्र निदर्शने व घेराव आंदोलन करण्यात येईल.
हे आंदोलन सर्व रिक्षा-टॅक्सी चालक-मालक आणि शहरातील त्रस्त नागरिक यांच्या हितासाठी असेल. या आंदोलनात रिक्षावर टॅक्सी चालक सहभागी होणार असून शहरातील नागरिकांनी देखील सहभागी व्हावे असे आवाहन महाराष्ट्र रिक्षा पंचायत मुख्य संघटक शुभम तांदळे यांनी केले आहे,
महाराष्ट्र रिक्षा पंचायत व ऑटो टॅक्सी ट्रान्सपोर्ट फेडरेशन
[शुभम तांदळे – युवक अध्यक्ष व मुख्य संघटक]