 |
पुणे: पिंपरी-चिंचवड येथे झालेल्या दिव्यांगांच्या क्रीडा स्पर्धेत अभिराज फाउंडेशनने उत्कृष्ट कामगिरी करत अव्वल स्थान पटकावले आहे. इनरव्हील क्लब निगडीतर्फे स्वामी विवेकानंद क्रीडा संकुल, निगडी येथे या स्पर्धा आयोजित करण्यात आल्या होत्या.
या स्पर्धेत पिंपरी-चिंचवडमधील 13 शाळांमधून दिव्यांग खेळाडू सहभागी झाले होते. अभिराज फाउंडेशनच्या 12 खेळाडूंनी सहभाग घेतला आणि चमकदार कामगिरी केली.
विजेत्या खेळाडूंची नावे:
- संतोष कोळी: याने सॉफ्ट बॉल थ्रो आणि सॅक रेस या दोन्ही स्पर्धांमध्ये प्रथम क्रमांक पटकावला.
- आराध्या ससाने: सॉफ्ट बॉल थ्रोमध्ये द्वितीय आणि 50 मीटर रनिंगमध्ये तृतीय क्रमांक मिळवला.
- अमोल हांडे: 50 मीटर रनिंगमध्ये तृतीय आणि जागेवरून उडी मारणे या स्पर्धेत द्वितीय क्रमांक मिळवला.
- स्वस्तिक सिंग: सॉफ्टबॉल थ्रोमध्ये तृतीय क्रमांक मिळवला.
- स्पंदन उघाडे: जागेवरून उडी मारणे या स्पर्धेत द्वितीय क्रमांक पटकावला.
- या खेळाडूंना क्रीडा शिक्षक विकास जगताप आणि ऋषिकेश मुसूडगे यांनी मार्गदर्शन केले, तर वैशाली खेडेकर आणि अंजना चिगरे यांनी त्यांना सहाय्य केले.
विद्यार्थ्यांच्या या यशाबद्दल शाळेच्या मुख्याध्यापिका अनिता चव्हाण आणि अभिराज फाउंडेशनचे संचालक स्वाती तांबे आणि रमेश मुसूडगे यांनी त्यांचे आणि शिक्षकांचे अभिनंदन केले आहे.