EPFO : जर तुमच्याही पगारातून दर महिन्याला पीएफ (Provident Fund) कपात होत असेल, तर ही बातमी तुमच्यासाठी अत्यंत महत्त्वाची आहे. EPFO (कर्मचारी भविष्य निधी संस्था) यांनी पेन्शनशी संबंधित काही महत्त्वाचे नियम बदलले आहेत, ज्याचा थेट परिणाम तुमच्या निवृत्तीनंतर मिळणाऱ्या रकमेवर होणार आहे. त्यामुळे हे नवीन नियम जाणून घेणे गरजेचे आहे. पाहू या, निवृत्तीपूर्वी पेन्शन घ्यायची असल्यास ती कशी मिळू शकते.
EPFO म्हणजे काय?
बहुतेक लोकांच्या मनात EPFO म्हटलं की निवृत्तीनंतर मिळणाऱ्या पैशांची योजना येते. पण, अनेकांना हे ठाऊक नसते की EPFO फक्त सेव्हिंग स्कीम नाही, तर Employee Pension Scheme (EPS) च्या माध्यमातून पेन्शनची सोय देखील उपलब्ध करून देते. मात्र, या पेन्शनच्या नियमांमध्ये थोडी गुंतागुंत आहे — विशेषतः जेव्हा लवकर पेन्शन घेण्याचा, नोकरी सुटण्याचा किंवा पेन्शनसाठी पात्रतेचा प्रश्न येतो.
लवकर पेन्शन कधी आणि कशी मिळू शकते?
EPFO च्या नियमानुसार, कोणताही सदस्य ५० वर्षे पूर्ण झाल्यानंतर पेन्शन घेणे सुरू करू शकतो.
परंतु जर तुम्हाला ५८ वर्षांपूर्वी पेन्शन घ्यायची असेल, तर तुमच्या पेन्शनच्या रकमेवर काही टक्के कपात केली जाईल.
५८ वर्षांपूर्वी पेन्शन घेतल्यास: दर वर्षाला ४% पेन्शन कपात
५५ व्या वर्षी पेन्शन सुरू केल्यास: एकूण १२% कपात.
५२ व्या वर्षी पेन्शन सुरू केल्यास: ही कपात वाढून २४% पर्यंत होते.
५० वर्षांखालील व्यक्तींना: कोणत्याही प्रकारची पेन्शन मिळत नाही.
थोडक्यात, जर तुम्हाला रिटायरमेंटपूर्वी पेन्शन घ्यायची असेल, तर तुमच्या वयावर आणि EPFO च्या नियमांवर त्याचा थेट परिणाम होतो. त्यामुळे योग्य वय, सेवा कालावधी आणि योगदान यानुसार निर्णय घेणे महत्त्वाचे आहे.