पिंपरी चिंचवड : सप्टेंबर 2024 मध्ये झालेल्या सी.ए. फायनल परीक्षेत कु. निशिगंधा नाथाराम नाणेकर यांनी प्रथम श्रेणीत उत्तीर्ण होत घवघवीत यश संपादन केले. मोबाईलपासून दूर राहून दररोज 10 ते 12 तास सातत्याने अभ्यास करून त्यांनी हे यश मिळविले.
या उल्लेखनीय यशाबद्दल त्यांचा मानवी हक्क व संरक्षण जागृतीचे खेड तालुका अध्यक्ष श्री. शंकर नाणेकर यांच्या हस्ते सत्कार करण्यात आला.
कु. निशिगंधा यांना अभ्यासाबरोबर योगा, चित्रकला, रांगोळी व मेहंदी यांचीही विशेष आवड आहे.
त्यांचे वडील श्री. नाथाराम नाणेकर हे राजगुरुनगर येथील सहकारी बँकेच्या मुख्य कार्यालयात असिस्टंट जनरल मॅनेजर (कर्ज विभाग) म्हणून कार्यरत आहेत, तर आई सौ. सुगंधा नाणेकर गृहिणी आहेत.
कु. निशिगंधा यांनी 1 ली ते 10 वी पर्यंतचे शिक्षण विद्यानिकेतन इंग्लिश स्कूल, चाकण येथे पूर्ण केले असून, एस.एस.सी. परीक्षेत 93.40% गुणांसह शाळेत प्रथम क्रमांक मिळविला. त्यानंतर 11 वी व 12 वी कॉमर्स शाखेत राजगुरुनगर महाविद्यालयात शिक्षण घेतले आणि एच.एस.सी. (कॉमर्स) मध्ये 84% गुण मिळवले.
त्यानंतर त्यांनी C.A. अभ्यासक्रमाची सुरुवात केली व C.A. Foundation परीक्षा यशस्वीरित्या उत्तीर्ण केली. याचबरोबर चाकण आर्ट्स अँड कॉमर्स कॉलेज मधून B.Com मध्ये First Class with Distinction मिळवले तसेच M.B.A. पदवीही First Class with Distinction ने पूर्ण केली.
राजगुरुनगर तालुक्यात सर्वत्र त्यांच्या या उल्लेखनीय यशाचे कौतुक होत असून, त्यांच्या पुढील वाटचालीसाठी शुभेच्छांचा वर्षाव होत आहे.