नगरपरिषदेस सहकार्य करा :- मुख्याधिकारी माधव खांडेकर
आळंदी (अर्जुन मेदनकर) : स्वच्छ, सुरक्षित आणि रेबीजमुक्त तीर्थक्षेत्र आळंदीसाठी सर्व नागरिकांनी व सोसायट्यांनी प्रशासनास सहकार्य करण्याचे आवाहन आळंदी नगरपरिषद मुख्याधिकारी माधव खांडेकर यांनी केले आहे.
आळंदी नगरपरिषद, आळंदी ( पुणे ) आरोग्य व स्वच्छता विभागा चे वतीने जाहीर आवाहन करण्यात आले आहे. आळंदी शहरातील सर्व नागरिक, गृहनिर्माण संस्थांचे ( सोसायटी ) पदाधिकारी, चेअरमन, सेक्रेटरी व रहिवाशांना आवाहन करण्यात आले आहे.
यामध्ये आळंदी नगरपरिषदे मार्फत भटक्या कुत्र्यांचे निर्बीजीकरण ( Animal Birth Control - ABC ) आणि रेबीज प्रतिबंधक लसीकरण मोहीम प्रभावीपणे राबविण्यात येत आहे. शहरातील भटक्या श्वानांची वाढती संख्या नियंत्रित करणे, रेबीज सारख्या आजारांचा प्रादुर्भाव रोखणे आणि नागरिकांच्या सुरक्षिततेसाठी ही मोहीम हाती घेण्यात आली आहे.
या मोहिमेच्या यशस्वी अंमलबजावणी साठी आपल्या परिसरातील, गल्ली बोळांतील किंवा सोसायटीच्या आवारातील बिन - निर्बीजीकरण केलेल्या भटक्या कुत्र्यांची अचूक माहिती नगरपरिषदेस देणे आवश्यक आहे.
माहिती कळविण्यासाठी संपर्क समन्वय अधिकारी पंकज खैरे नगरपरिषद कर्मचारी, आळंदी नगरपरिषद संपर्क क्रमांक 9860074523 असून त्यांना नागरिकांनी संपर्क करून माहिती देण्यात यावी.
आपल्या परिसरातील भटक्या कुत्र्यांची अंदाजे संख्या, नेमके ठिकाण व आवश्यक तपशील वरील क्रमांकावर संपर्क साधून अथवा व्हॉट्सॲपद्वारे देण्यात यावी. ही मोहीम शासन नियमां नुसार सुरक्षितरीत्या राबविली जात असून, शस्त्रक्रिया व लसीकरणा नंतर श्वानांना काळजी पूर्वक पुन्हा त्याच अधिवासात ( मूळ जागेवर ) सोडण्यात येणार असल्याचे आरोग्य विभाग प्रमुख यांनी सांगितले.
स्वच्छ, सुरक्षित आणि रेबीजमुक्त तीर्थक्षेत्र आळंदीसाठी सर्व नागरिकांनी व सोसायट्यांनी प्रशासनास सहकार्य करण्याचे आवाहन आळंदी नगरपरिषद मुख्याधिकारी माधव खांडेकर यांनी केले आहे.